Estimados veciños e veciñas de Bóveda,

É para min unha honra darvos a benvida á páxina web do Concello de Bóveda, un espazo pensado para facilitar o acceso á información municipal e reforzar a comunicación entre a administración e a cidadanía.

Dende 1999, teño a responsabilidade e o compromiso de traballar polo benestar dos nosos veciños, impulsando proxectos que favorezan o desenvolvemento sostible, a mellora dos servizos públicos e a preservación da nosa rica herdanza cultural. Bóveda é un concello cunha gran historia, unha contorna privilexiada e, sobre todo, cunha comunidade activa e participativa que fai deste un lugar único.

Seguimos traballando para que Bóveda sexa un municipio moderno, con oportunidades para todos, sen esquecer as nosas raíces e tradicións. A vosa colaboración e implicación son fundamentais para construír un futuro mellor para o noso concello.

Convido a todos e todas a facer uso desta web, un recurso que queremos que sexa útil e accesible, onde atoparedes información sobre os servizos municipais, trámites, novas e iniciativas de interese. As vosas suxestións e propostas sempre serán benvidas para seguir mellorando xuntos.

Recibide un cordial saúdo,

José Manuel Arias López
Alcalde de Bóveda